Tækifæri til að láta ljós þitt skína í Dubai!

Árlega veitir OECD, í samvinnu við Stofnun Mohammed Bin Rashid í opinberri nýsköpun, nýsköpunarverðlaun í Dubai og er nú komið að því að áhugasamir sendi inn sín verkefni.

Í fréttatilkynningu um verðlaunin segir: “Við hvetjum frumkvöðla frá öllum heimshornum til að senda inn nýsköpunarverkefni sín, sem munu ýta undir rannsóknir á alþjóðlegri nýsköpunarþróun og sem verður deilt á alþjóðavettvangi til að hvetja aðra til að vinna á nýjan og skapandi hátt.”

Á síðustu árum hafa nokkrir íslenskir aðilar sent inn sín verkefni og verður spennandi að sjá hvort eitthvert þeirra endi í Dubai í ár.

Hægt er að senda inn efni frá og með 14. október næstkomandi en lesa má um verkefnið HÉR.